حفظ وُ ترویج بازی های بومی_محلی، ونه پشت سر تقویت نشاط عمومی با بازی های جمعی قدیمی، اتا ور دیگه حفظ وُ ترویج غذاهای سنتی وُ خانگی مهمترین هدف برگزار هکردن اینتا جشنواره کچیک روستایی در ایمن آباد وُ کروکلا بی یه.
خله از محلی ها که محل دله دهینه بی یمونه، حتا روستاهای دور ورجا. وچه سه ماهه دهیه تا گت مار ۱۰۶ ساله، که جشن ره قشنگ تر هکردبی یه.
جشنواره، ساعت ۴بعدازظهر پنجشنبه روز، ۲۰ فروردین ۱۳۹۴ شمسی برابر با ۱۵ ارکه ماه ۱۵۲۶ تبری، شروع بهیه با بازی های هفت دوش، بوردکا(ضرب المثل)، کلاه بهیته کا، گت پر گت مار و وچه زا، رسن بکشی ین و مچ دمهدائن. ونه میون هم حرکت های نمایشی رزمی(نینجا رنجر)، بخردن غذاهای محلی که مارون روستا درست هکردبینه، ونه پشت سر انتخاب بهترین غذاها که جایزه هم وشونا ره هدانه.
نهوت نمونه مارون روستای جا هم به مناسبت روز تولد حضرت فاطمه(س) از طرف پایگاه مقاومت بسیج شهید قربانی روستای ایمن آباد و کروکلا، تقدیر بهیه.
مارون شهید قربانی، ابراهیمی، سیدعلی هاشمی، سیدصادق حسینی و سیدباقر هاشمی
دتا مار نمونه روستا به نام پروانه عبدی(همسر سید میرزا ارشادی) و سیده مکرمه شفیعی (همسر حسن روزبان) انتخاب و وشونای جا تقدیر بهیه.
مارِ مارونِ روستا به نام محرم ایمانی ایمنی(فرزند ملاحسن و مادر شیداله بابایی) با ۱۰۶ سال سن به عنوان مسن ترین فرد روستا و شاید منطقه لاله آباد و حتا شهر بابل تقدیر بهیه. نهوت نمونه ونه آرزو بوردن به مکه بی یه که گته “پیل کوعه(پول نِدارمه)”. نایب رئیس ورزش های روستایی و بومی محلی بابل، آقای حاجی زاده جشن دله دهیه و بهوته هزینه سفر حج وره، من اهدا کمه.
حدود ۴۰تا عکس انتخاب بهیه که تقدیم شماها کمی.
اینتا عکس رو ره اتا کلیک هکنین تا عکس ها ره بوینین
جا دارنه آخر سیا، هیات ورزش روستایی و بازی های بومی محلی بابل و بخش لاله آباد جا و بویژه خانم مریم علی جان زاده و حاج سیدنقی حسینی جا هم تشکر هکنیم.
تصویر تابلوی اهدایی به مادران نمونه روستا، که در ابعاد(۴۰*۶۰) روی شاسی تهیه و تقدیم شد
البته به همراه یک دست ظروف کریستال برای مادران شهید از سوی پایگاه بسیج
این عکس توسط سید فضل اله هاشمی کرویی در روستای بالاکروکلا تهیه شده است.
